Este sitio web utiliza Cookies propias y de terceros de análisis para recopilar información con la finalidad de mejorar nuestros servicios, así como para el análisis de su navegación. Si continua navegando, supone la aceptación de la instalación de las mismas. El usuario tiene la posibilidad de configurar su navegador pudiendo, si así lo desea, impedir que sean instaladas en su disco duro, aunque deberá tener en cuenta que dicha acción podrá ocasionar dificultades de navegación de la página web.

Aceptar
Cómo configurar

CIDETEC Surface engineering-en egin da Europako AIRPOXY proiektua abiarazteko bilera

18/09/2018

AIRPOXY proiektua abiarazteko bilera CIDETECen egin zen, irailaren 5ean eta 6an

AIRPOXY proiektua Europako Batzordeak sortua da, eta 6,5 milioi euroko aurrekontua du. Haren asmoa da aeronautikako osagaien konpositezko zatien kostuak txikiagotzea, bai ekoizpenean eta bai mantentze-lanetan, konponketetan eta azterketetan (MRO). Helburu horiek lortzeko, konposite aurreratuen familia berri bat garatuko da. Konposite berri horiek termoegonkor konbentzionalen abantaila guztiak izaten jarraitzen dute, baina badituzte orain arte inoiz ikusi ez diren ezaugarriak ere. Adibidez, birprozesatu, konpondu eta birziklatu egin daitezke (3R).

2022. urterako, aireontzietako bi panelen erakusleak ekoitziko dira (eraso-ertzaren azpiosagai bat eta haizagailu-estalkiaren azpiosagai bat), termoegonkorrak prozesatzeko teknologia berri bat garatuz, 3R termoformazioa, zeina autoklabea baino 100 bider bizkorragoa eta askoz ere automatizatuagoa baita. Konpositezko zatietarako, konponketa-teknologia berri bat garatuko da, osasun estrukturalaren monitorizazioarekin konbinatua, gaur egungo mantentze-lanen kostua erdira jaisteko. 3R lotura-teknologia berritzailearen garapenari esker, azkenik, loturen kostuak % 50 txikiagotuko dira, eta haien sendotasuna, berriz, % 20 handituko.

CIDETEC da AIRPOXY proiektuaren burua, eta diziplina anitzeko kidez osatutako partzuergo bat da. 11 kide ditu, 6 herrialdetakoak: erretxinaren asmatzailea, CIDETEC (Espainia); gako teknologien hornitzaileak, IVW (Alemania) (termoformazioa eta soldadura), Eurecat (Espainia) (RTM), Coexpair (Belgika) (SQRTM), Ioanninako Unibertsitatea (Grezia) (SHM), eta Altair (Frantzia) (prozesuak simulatzeko softwarea); aireontzietako osagaien fabrikatzaileak (EIRE, Irlanda), IDEC (Espainia), eta SONACA (Belgika); estandarizazioan aditua, UNE (Espainia), eta aeroaholkularia, ARTTIC (Frantzia).

Zabaldu: