I-climabuilt: Isolatzeko eta energia biltzeko/biltegiratzeko material funtzional eta aurreratuak, klima desberdinetara moldatzen diren eraikinen inguratzaileetarako

- Hasiera: 2021/3/1
- Amaiera: 2025/02/28
- Aurrekontua: 16.431.777,50 €

Bazkideak:

•           NATIONAL TECHNICAL UNIVERSITY OF ATHENS (koordinatzailea)
•           FUNDACIO EURECAT
•           TECHNISCHE UNIVERSITAET DRESDEN
•           SINTEF AS
•           NORGES TEKNISK-NATURVITENSKAPELIGE UNIVERSITET
•           RISE RESEARCH INSTITUTES OF SWEDEN AB
•           INSTITUTO PEDRO NUNES ASSOCIACAO PARA A INOVACAO E DESENVOLVIMENTO EM CIENCIA E TECNOLOGIA
•           INNOVATION IN RESEARCH & ENGINEERING SOLUTIONS
•           UNIVERSITY OF STRATHCLYDE
•           GRANTA DESIGN LTD
•           TECHNISCHE UNIVERSITAT HAMBURG FUNDACION CIDETEC
•           STRATAGEM ENERGY LTD
•           FRAUNHOFER GESELLSCHAFT ZUR FOERDERUNG DER ANGEWANDTEN FORSCHUNG E.V.
•           POLITECNICO DI TORINO
•           INSTITUTO TECNOLOGICO DE ARAGON
•           E2ARC ARCHITECTURE & RESEARCH FOR CITIES
•           AIDEAS OU
•           TEGnology ApS
•           FenX AG
•           CENTRO DI RICERCHE EUROPEO DI TECNOLOGIE DESIGN E MATERIALI
•           BERGAMO TECNOLOGIE SPZOO
•           OPEN SOURCE MANAGEMENT LIMITED
•           RUBITHERM TECHNOLOGIES GMBH
•           UNIVERSITY OF BIRMINGHAM
•           BIOG3D
•           HOCHSCHULE FUR TECHNIK WIRTSCHAFT UND KULTUR

Webgunea:

https://cordis.europa.eu/project/id/952886/es

Proiektua:

Europan erabiltzen den energia guztiaren % 40 eta CO₂ isurien % 36 eraikinen ondorioz da. Eraikinen energia-efizientziari buruzko moldatutako zuzentarauaren arabera, 2020tik aurrera eraikitzen diren eraikin guztien energia-kontsumoa ia zerokoa izan behar da; alegia, oso energia gutxiren premia izan behar dute, eta premia hori energia berriztagarriekin asebete behar da gehienbat. EBk 2030erako ezarritako helburuen asmoa da berotegi-efektuko gasen isuria gutxienez % 40an murriztea (1990eko kopuruarekin alderatuz), erabiltzen den energiaren % 32 gutxienez berriztagarria izatea, energia-efizientzia gutxienez % 32,5ean hobetzea eta 2050erako berotegi-efektuko gasen isuria % 80 gutxitzea. Beraz, premiazkoa da merkatua modu sakonean eraldatzea. Material eta teknologia efizienteak erabili behar dira eraikuntzaren sektorean, energia-kontsumoa eta isuri-maila ia zerokoa duten plus energiadun eraikinak errealitate bat izan daitezen Europan, kalitate handiko barne-giroa bermatuta.

I-climabuilt proiektuaren asmoa energia-kontsumoa eta isuri-maila ia zerokoa duten eraikinak lortzeko oztopo izan diren alderdiak diziplinarteko ikuspegiarekin lantzea da. Alderdi guztiek lotura estua dute, materialak eta sistema teknikoak testatu eta fabrikatzetik, osagaiak garatzera. Era berean, kontuan hartu behar dira faktore ekonomiko eta finantzarioak, horiek definitzen eta kontrolatzen baitute eraikinen inguratzaileetarako soluzioek gizartean duten onarpen-maila.

I-climabuilt proiektuaren helburua askotariko domeinuetako enpresen ekosistema bat osatzea da, aditu desberdinen gaitasunak uztartuko dituena. Horretarako, hornitzaileen eta erabiltzaileen arteko lotura indartuko da, eta diziplinarteko erakundeen lankidetza oinarritzat hartuko da produktu berriak garatzea, hobetzea eta testatzea sustatzeko, teknologia bakoitzaren mugak kasuaren arabera aztertuta bezeroaren beharrak asetzeko eta, azkenik, berrikuntza horiek eraikinen inguratzaileen material eta sistema teknikoetan txertatzeko. Xede nagusia ikerketen emaitzak benetako berrikuntza bihurtzea eta goi-mailako teknologiako enpresa txikiei laguntzea da, aurrerapausoak eman ditzaten eta etengabe areagotzen ari den konplexutasun teknologikoari aurre egin diezaioten. Halaber, beharrezko azpiegiturak eta tresnak testatzeko abiapuntu bakar bat emanez, soluzio teknologiko berriak baliozkotu eta hobetu nahi dira.

16 ikerketa-zentro bikainek eta 11 enpresa txiki eta ertainek osatutako partzuergo sendo bat osatu da proiektuaren baitan, askotariko profilak dituzten adituekin.